АПЛ афсонаси Лукаку ҳақида илиқ фикрлар билдирди
15 авг 2017 13:16
Новости

АПЛ афсонаси Лукаку ҳақида илиқ фикрлар билдирди

Англия терма жамоасининг собиқ ҳужумчиси ва ҳозир футбол эксперти сифатидаб фаолият олиб бораётган Алан Ширер "Манчестер Юнайтед" футболчиси Ромелу Лукакунинг дебюти ҳақида фикр билдирди.

Бельгиялик "Вест Хэм"га қарши баҳсда дубл қайд этди.

"Агар сен 75 миллион фунт эвазига дунёнинг энг катта клубларидан бирига ўтсанг, янги жамоа таркибида биринчи ўйинингни яхши бошлашни хоҳлайсан. Менда ҳам 1992 йил "Блэкберн"га ўтганимда ҳудди шундай ҳолат бўлган эди. Ўшанда дебют ўйинимда "Кристал Пэлас" дарвозасига иккита тўп киритганман. Бу менга ишонч қўшган, Лукакуда ҳам шундай бўлади.

Аниқ биламан, Лукаку ўйиндан олдин асабийлашган, лекин биринчи голдан кейин ҳаммаси ўтиб кетган. Агар ҳаммаси жароҳатларсиз бўлса, у МЮ учун 20-25та гол уриши аниқ", - деди Премьер-лига афсоналаридан бири Ширер.