Анвар Бердиев: "Ёзги трансферлар вақтида жамоада кўп ўзгаришлар бўлмайди"
26 июн 2024 00:10
Новости

Анвар Бердиев: "Ёзги трансферлар вақтида жамоада кўп ўзгаришлар бўлмайди"

Про лиганинг 14-туридан ўрин олган "Қўқон-1912" - "Шўртан" (0:3) учрашувидан сўнг меҳмонлар бош мураббийи Анвар Бердиев матбуот анжуманида иштирок этди.

- Ўйин ҳақида

- Қийин ўтган ўйинда ғалабага эришдик. Жамоамиз футболчиларига миннатдорчилик билдирамиз. Йигитлар бор кучларини ишга солишди, жамоанинг барча аъзоси ғалаба учун ўз ҳиссасини қўшди.

- "Қўқон-1912" жамоасининг бу қадар нурсиз ўйин кўрсатишига сабаб нима деб ўйлайсиз?

- "Қўқон-1912" жамоаси ҳақида гапирмоқчи эмасман, уларнинг ўз мураббийлари бор. Лекин бу жамоага омад тилайман. Мавсум якунида Суперлига йўлланмасини қўлга киритишларига тилакдошман.

- Жамоа мавсум бошидаги омадсизликлардан сўнг яхши йўлга тушиб олди. Ҳозирда клуб раҳбарияти жамоага қандай вазифа қўйган?

- Мавсум бошида раҳбарият ҳар бир ўйинда ғалаба учун майдонга чиқишни уқтиришган. Биз шу режа асосида ишлаяпмиз. Олдиндан катта гапириш йўқ, лекин ҳар бир ўйинга ғалаба учун тайёрланамиз.

- Ёзги трансферлар режаси қандай?

- Айрим футболчилар билан музокара олиб бораяпмиз. Лекин жамоамизда кўп ўзгаришлар бўлмайди. Ҳозирда футболчиларимизнинг ҳаракатларидан қониқиш ҳосил қилаяпмиз.

Ссылка :

Источник : championat.asia

Получайте новости прямо в Telegram!

Рейтинг: +2