Анвар Бердиев: "Машғулотларда ишланган режа иш берганидан хурсандман"
22 мая 22:41
Новости

Анвар Бердиев: "Машғулотларда ишланган режа иш берганидан хурсандман"

Про-лиганинг 9-туридан ўрин олган "Шўртан" - "Хоразм" (1:0) учрашувидан сўнг мезбонлар бош мураббийи Анвар Бердиев матбуот анжуманида иштирок этди.

Ўйин ҳақида

- Бу ғалабани Ғузор аҳлининг ашаддий мухлисларига бағишлаймиз. Йигитларга раҳмат, бугун улар ҳар томонлама ишончни оқлашди.

- "Шўртан" уйдаги ўйинларда ишончли ҳаракат қилаяпти. Сафар учрашувларида эса ўзини йўқотиб қўйгандек. Бунга сабаб нима?

- Бу фикрга қўшилмаган бўлардим. Футболчилар сафар ўйинларида ҳам ёмон ҳаракат қилишмаяпти. Футболда омаднинг ўрни ҳам муҳим аҳамият касб этади.

- Бугунги ўйинда дарвозабон голли узатма қайд этди. Бу ҳақида фикрингиз?

- Албатта, бу машғулотларда ишланган режа эди. Бунинг учун хурсандман. Таъкидлаш жоиз, бугун иккинчи бўлимда жамоамиз посбони жароҳати бор эканига қарамасдан майдонга чиқди ва ғалаба учун ўз ҳиссасини қўшди.

- Дарвозабонда қандай жароҳат бор эди?

- Рақиб футболчиси билан тўқнашиб кетди. Иккинчи бўлимда унинг жароҳатда экани яққол сезилиб турди.

Ссылка :

Источник : championat.asia

Получайте новости прямо в Telegram!

Рейтинг: +1