Анвар Бердиев: “Ғалабага ҳамма бирдек ҳисса қўшди”
25 апр 2016 07:51
Новости
![](https://championat.asia/upload/storage/205969_original.jpg)
![](/upload/storage/205969_220.jpg)
Анвар Бердиев: “Ғалабага ҳамма бирдек ҳисса қўшди”
Шу боис учрашувдан кейин тажрибали ҳужумчини суҳбатга тортдик.
- Ўз майдонимизда мухлисларимиз қаршисида бизни фақат ғалаба қониқтирарди. Шу боис ўйинга юқори даражада тайёргарлик кўргандик. Таркибда ҳам бугун бир қатор ўзгаришларга қўл урилди. Ҳамма йигитлар ҳамжиҳатликда ўйнади. Бу жуда муҳим. Чунки футбол бу жамоавий ўйин. Албатта, клубимиз раҳбарияти ва Андижон аҳлига хурсандчилик улаша олганимиздан мамнунмиз.
- Ушбу қўлга киритилган ғалабада барчанинг ҳиссаси бор деган бўлардим. Ўзим иккита голга ассисентлик қилиб, битта гол урдим. Бу билан мен майдонда ўз вазифамни бажардим. Урган голимга келсак, Отабек Валижонов ажойиб пас берди. Ҳар бир ҳужумчи майдонга чиқишдан олдин, гол уришни ният қилади. Жамоамга фойда келтирганимдан хурсандман. Насиб қилса келгуси учрашувларда ҳам ўз голларим билан “Андижон”га ёрдам беришга харакат қиламан.
- “Сўғдиёна” жамоасининг ўйини менга ёқди. Йигитларда ғалабага ташналик бор. Аввалги йиллардагига нисбатан жорий мавсум яхши ўйин кўрсатиб келишмоқда. Уларнинг келгуси учрашувларида омад тилайман.
- Энди жамоамиз кейинги турда Қаршида “Насаф” билан ўйнайди. Ҳеч кимга сир бу клуб мамлакатимизнинг етакчи жамоаларидандир. “Аждарлар” ҳозирча чемпионатда мағлубиятга учрамай келмоқда. Боз устига улар ўз уйида жуда яхши ўйнайди. Бироқ шундай бўлсада, олдиндан таслим бўлмоқчи эмасмиз. Футболда ҳамма нарса бўлиши мумкин. Биз ҳам бўлажак учрашувга пухта тайёргарлик кўриб, имкон қадар сафардан очко билан қайтишга уринамиз.
“Андижон” матбуот хизмати.
Похожие новости
![AMP Logo](https://championat.asia/image/logo-amp.png)
Комментарии