Антонио Конте нимадан норози?

“Биз учрашувни бўш бошладик шу сабаб дастлабки 25 дақиқада сабр қилишга мажбур бўлдик. Иккинчи бўлимда яхши ўйнадик, аммо қизил карточка кўп нарсани ҳал қилди. Мен ўша вазиятни такроран кўрмадим, шу сабаб ҳакамнинг бундай қарорини тушуниш қийин бўлди. “Арсенал” киритган биринчи голда тўп қўл билан ўйналди. Ўша вазиятда футболчининг офсайдда қолган ёки қолмаганлиги иккинчи масала эди. “Арсенал” ўйинни яхши бошлади. Шу сабаб биз ёмон ўйнадик. Албатта финал ўйини натижасидан хурсанд эмасман. Аммо футболда бу каби ҳолатлар бўлиб туради. Мозес яхши ўйин кўрсатди, бу мавсум унинг учун жуда муҳим бўлди.

Биз ажойиб мавсумни ўтказдик, АПЛда буюк ғалабага эришдик. Аммо энди келажак ҳақида ўйлашимиз ва ушбу натижани қайтаришга ҳаракат қилишимиз лозим”, дейди Конте.