Англия термасининг “қуруқ серия”си ўз ниҳоясига етди

Баҳс 16-дақиқасида меҳмонлар форварди Ромелу Лукаку рақиб дарвозасига белгиланган пенальтини аниқ амалга оширди ва инглизларнинг бир йил давом этган “қуруқ серия”сига якун ясади. Англия дарвозасини сўнгги бор 2019 йил 11 октябр куни Чехия термаси футболчиси Зденек Ондрашек ишғол этган эди.

Шундан сўнг эса Гарет Саутгейт шогирдлари 6 учрашувдан бери дарвоза даҳлсизлигини сақлаб келишаётганди: Болгария – 6:0, Черногория – 7:0, Косово – 4:0 (барчаси Евро-2020 саралаши), Исландия – 1:0, Дания – 0:0 (Миллатлар Лигаси), Уэльс – 3:0 (ўртоқлик ўйини).