Андрей Полховский: "Бугун турли кучга эга бўлган икки жамоа тўқнаш келди"
17 фев 2016 20:31
Новости

Андрей Полховский: "Бугун турли кучга эга бўлган икки жамоа тўқнаш келди"

Осиё чемпионати чорак финалидан ўрин олган Эрон - Қирғизистон учрашувидан кейинги матбуот анжуманида Андрей Полховский қатнашди.

“Айтадиган гапнинг ўзи йўқ. Барчасини таблодаги ҳисоб кўрсатиб турибди. Бугун турли кучга эга бўлган икки жамоа тўқнаш келди. Бугун кўрсатмаларимизни 5 фоизга ҳам бажаришгани йўқ. Эронни ғалаба билан табриклайман. Жуда кучли жамоа”, - дейди Полховский.

- Эронга қарши илк дақиқалардан бошлаб 5 нафар футзалчи билан ўйнаш мумкинми?
- Албатта мумкин. Бироқ бунинг учун ҳам маҳорат керак. Бироқ қоидага кўра бу мумкин ва буни амалда қўллаб туриш мумкин.

- Жамоанинг кучли бешликка кириш имкониятларини қандай баҳолайсиз?
- Имкониятни мухлислар ва журналистлар беришгани тўғрироқ бўларди. Биз қўлимиздан келганича йўлланма учун курашамиз. Эрон ва Япония қолганларга қараганда кучли. Қолган жамоалар савияси эса тенг.

- Қирғизистон ҳисобда ортда қолишига қарамай иккинчи бўлимда беш нафар футзалчи билан ўйнамади нимага?
- Бошқа ўйинчиларга имконият беришга ҳаракат қилдим. Ундан ташқари ўйновчи дарвозабон билан ўйнаш доим таваккал. Шу боис бундан фақат озгина фойдаландик холос.

Нарзулла Сайдуллаев

Ссылка :

Источник : championat.asia

Получайте новости прямо в Telegram!

Рейтинг: -3