Андрей Микляев: "Мавсумни юқори ўринларда якунлашга ҳаракат қиламиз"
02 окт 2020 20:26
Новости

Андрей Микляев: "Мавсумни юқори ўринларда якунлашга ҳаракат қиламиз"

Теги : "Сўғдиёна" "Локомотив"Андрей Микляев

Суперлиганинг 18-туридан ўрин олган "Суғдиёна" - "Локомотив"(2:1) ўртасидаги учрашувдан сўнг меҳмон жамоа бош мураббийи Андрей Микляев фикрларини билдириб ўтди.

"Биринчи галда "Суғдиёна"ни ғалаба билан табриклайман. Бугун курашларга бой ўйин бўлди. Лекин, очко олишни уддасидан чиқа олмадик. Бугун бизнинг кунимиз бўлмади. Албатта, аламли мағлубиятга учрадик. Биринчи бўлимнинг ўзида дарвозамиздан иккита тўп олиб чиқдик. Биринчи бўлиб бурчак зарбасидан, сўнг яна бир стандарт вазиятдан. Сафардаги 0:2 ҳисобида ютқаза туриб ундан чиқиб кетиш оғир. Эътибор берган бўлсангиз, иккинчи бўлимда ўйинни ўз томонимизга оғдиришга ҳаракат қилдик. Вазиятлар яратдик.Орадаги фарқни қисқартиришга эришдик. Ютиб кетишимиз ҳам мумкин эди. Йигитларда ғалабада учун хоҳиш кучли эди. Фақат вазиятлардан фойдалана олмадик. Футболда бундай ҳолатлар бўлиб туради",- дейди Микляев.

- "Локомотив" биринчи бўлимда 0:2 ҳисобида мағлубиятга учраётганига қарамасдан иккинчи бўлимда жуда яхши ўйнади. Жамоа биринчи бўлимда шу ўйинни кўрсатганида натижа бошқача бўлиши мумкин эди...

- Мумкин эди. Футбол шунақа ўйин, унда голлар турлича бўлади. Биринчи гол мантиққа тўғри келмасди. Бурчак зарбаси амалга оширилди, жарима майдончаси ичида бир нечта футболчи бор эди. Дарвозабон эса вазиятни кузата олмади. Жарима зарбаси ҳам мукаммал тарзда ижро этилди. "Суғдиёна" 2:0дан кейин ҳимояга эътибор қаратди ва қарши ҳужумлардан фойдаланишга ҳаракат қилди. Бундай паллада ҳимояни ёриб ўтиш қийин кечади. Ҳаракат қилдик, яхши вазиятлар бўлди. Рақиб дарвозабони бугун жуда яхши ўйнаганини айтиб ўтиш жоиз. Бир қанча вазиятларда жамоасини муқаррар голлардан қутқарди.

- Жамоанинг турнир жадвалида эгаллаб турган ҳозирги ўрнини омадсизликка қиёсласа бўладими?

- Айни пайтда жамоа қайтадан қурилмоқда ва тикланмоқда. Жамоамизда ёш футболчилар кўп. Аксарият футболчилар клубни тарк этишди. Эътиборимизни ёшларга қаратяпмиз. Бунинг учун бизга вақт керак.

- "Локомотив" иккинчи даврани ёмон бошламади. Жамоани мавсум якунида қайси ўринда кўришимиз мумкин?

- Ҳар бир ўйинда майдонга ғалаба учун чиқамиз. Мақсадимиз турнир жадвалида тепага кўтарилиш. Мавсумни юқори ўринларда якунлашга ҳаракат қиламиз.

Ссылка :

Источник : championat.asia

Получайте новости прямо в Telegram!

Рейтинг: -1