RU

Последние новости

18:59"Барселона" "Сеул"ни "хоккейча" ҳисобда мағлуб этди  1 18:42А Сериянинг икки гранди "Арсенал" аъзоси учун курашга қўшилди  0 18:14Марлен Чобанов легионерга айланди  0 17:55​"Андижон" легионер ҳимоячиси билан хайрлашди  2 17:32Исак "Реал Сосьедад" базасида шуғулланмоқда  2 17:04Аббос Файзуллаев: "ЦСКА туфайли Ўзбекистон термасида ўз ўрнимга эга бўлдим. Энди "Истанбул Башакшеҳир"га чемпионатда олдинга қадам ташлашида ёрдам бермоқчиман"  3 16:37ЦСКА ҳимоячиси: "Аббосга келажакда ўзи хоҳлаган лигада ўйнашини тилайман"  4 16:09Доннарумма АПЛ топ-клублари билан музокаралар олиб бормаяпти  2 15:41Нойер Тер Штеген билан боғлиқ вазият туфайли Германия терма жамоасига қайтишга тайёр  4 15:14Саудия Арабистони клублари Левандовскини сотиб олмоқчи  2 14:52"Андижон" янги легионерини Суперлига учун рўйхатдан ўтказа олмади  7 14:42Инсайд тасдиқланди: Ўзбекистон U-21 терма жамоаси Тошкентда Қозоғистон билан беллашади  2 14:14Расман: Серж Орье Остон Ўруновнинг жамоадоши бўлди  3 14:00Суперлига. Ёзги трансферлар барчаси битта саҳифада   40 13:52"Фенербахче" "Барселона" собиқ ҳимоячиси билан шартнома имзолайди  2

Андрей Микляев: "Истеъфо ҳақидаги савол менга эмас" Новости

Андрей Микляев: "Истеъфо ҳақидаги савол менга эмас"

ОЧЛ 4-тури доирасидаги "Локомотив" - "Ал Дуҳаил" (1:2) учрашувидан кейин ташкил этилган матбуот анжуманининг иккинчи қисмида "темирйўлчилар" бош мураббийи Андрей Микляев иштирок этди.

Нима ҳам дердим, агарда саволлар бўлса, марҳамат", - дея гап бошлади Андрей Микляев.

- ОЧЛда кетма-кет учинчи ўйинда мағлубият. "Локомотив"га нима бўлди?
- Демак "Локомотив"га маҳорат етишмаяпти. Учта ўйиндан иккитасини "Ал Дуҳаил"га ютқаздик. "Ал Дуҳаил" нафақат гуруҳ етакчиси, балки Осиёнинг энг кучли жамоаси десак ҳам муболаға бўлмайди. Айни пайтда "Ал Дуҳаил" жуда кучли, ўзининг оптимал спорт формасида. 9 йилдирки бу жамоа деярли бир хил таркибда ўйнамоқда, ўзаро тушуниш ва ўйин ташкил этиш юқори савияда. "Ал Дуҳаил" жисмоний жиҳатдан ҳам анча яхши формада эканлиги кўринди. Биз ҳам рақибни ўйинини ўрганиб, чуқур таҳлил қилгандик. Умуман олганда, бугунги бахсда уларни ўйин борасида биздан кучли деб айтмаган бўлардим. Иккита хато қилдик ва бу қимматга тушди.

- "Локомотив" ўрин олган "квартет" "ўлим" гуруҳи эмасди. "Локомотив" потенциал жиҳатдан бу рақибларга қарши бемалол рақобат туғдиришга қодир. Аммо 4-турдан кейинги ҳолат анча мушкул. Жамоанинг гуруҳдан чиқиш имкониятлари жуда пасайиб кетди...
- Яна иккита ўйин бор. Ўша учрашувлардан кейин хулоса қилса бўлади. Назарий жиҳатдан ҳали имкониятларимиз мавжуд. Минимум имкониятдан максимум фойдаланишга ҳаракат қиламиз. Бугунги гуруҳдаги иккинчи баҳс қандай натижа билан тугашини кутамиз. Бу ҳам биз учун муҳим ўйинга айланмоқда.

- "Локомотив" гуруҳда қолиб кетса, унда мураббийлар штаби истеъфога чиқадими?
- Бу савол менга эмас. Клуб раҳбарияти бу саволга жавоб беради.

- Муҳаммадиев ўйинни тугатиб қўя олмасмиди?
- Мажбурий ўзгариш бўлди. Агарда Шуҳрат Муҳаммадиев ўйинни тугатиб қўя олганида уни алмаштирмаган бўлардик. Ҳозир барча айбни Салим Мустафоевга ағдармаслик керак. Ғалаба қозонганда жамоа ютади. Мағлубиятга ҳам бутун жамоаники. Биз ҳам жуда хафамиз. Аммо бу футбол. Футболда бу каби ҳолатлар учраб туради. Мағлубият футболнинг бир бўлаги.

- "Локомотив" биринчи бўлимнинг охирги 20 дақиқасини ажойиб ўтказди. Нега танаффусдан кейин жамоа эрта ҳимояга ўтиб олди?
- Чунки 90 дақиқа давомида рақибга нисбатан фаол прессинг қўллашнинг имкони йўқ. Шу боисдан ҳам иккинчи бўлимда ҳисобдан келиб чиқиб ўйнадик. Биз ҳам футболчиларга кўпроқ қарши ҳужумларга ўтиш кераклигини айтдик.

- Нивалдо ўйинни бошланғич таркибда бошлашга тайёр эмасмиди?
- Йўқ, Нивалдо ҳали жароҳатидан тўлиқ фориғ бўлмаган. Бугун уни асосий таркибда қўйганимизда бу жуда катта таваккал бўларди. Чунки биргина нотўғри ҳаракат билан 6 ойга сафдан чиқиш эҳтимоли мавжуд эди.

Рейтинг: -214   

Комментарии

championat.asia
< посмотреть последние новости
Яндекс.Метрика