Андрей Канчельскис МЮ - "Ювентус" баҳсида ким ғалаба қозонишини айтди

"H" гуруҳи доирасида Англиянинг "Манчестер Юнайтед" клуби Италиянинг "Ювентус" жамоасини қабул қилади.

Суперлига доирасида бугун бўлиб ўтган "Локомотив" - "Навбаҳор" (1:0) беллашувидан сўнг наманганликлар бош мураббийи Андрей Канчельскиснинг "Олд Траффорд"да ўтадиган тўқнашув ҳақидаги фикрлари билан қизиқдик. Яхши биласиз, Канчельскис ўз вақтида МЮ таркибида ёрқин ўйин кўрсатган.

"Охирги вақтларда "Манчестер Юнайтед" ўйинида ўсиш кузатилмоқда. Шунга яраша яхши натижалар ҳам қайд этилмоқда. Премьер-лига доирасида "Ньюкасл" устидан иродали ғалаба қозонилди, "Челси" билан жуда ўйин намойиш этилди. Манчестерликларда "Ювентус"ни мағлуб этиш учун барча имкониятлар бор, улар буни уддалашлари шарт. Менимча, МЮ бугун ғалаба қозонади", - деб айтиб ўтди Канчельскис.