Андрей Канчельскис: "Жаҳон чемпионатидан кейин ҳам фикрим ўзгаргани йўқ, Черчесов танлови мутлақо нотўғри"

"Жаҳон чемпионатидан кейин ҳам Станислав Черчесов ва Россия терма жамоаси ҳақидаги фикрим ўзгаргани йўқ. Нима, мундиалда Россия яхши футбол намойиш этдими? Натижа? Кимларни ютдик ўзи? Саудия Арабистони терма жамоасиними? Биз уларни ютишга мажбурмиз. Мисрни ютиш яхши кўрсаткич ҳисобланадими? Йўқ албатта. Биз мундиалда ўйнаш тажрибаси йўқ жамоаларни мағлуб этдик холос. Уругвай Россия терма жамоасининг асл башарасини кўрсатгандику. Натижа ўшанда буткул ўйинга мос бўлганди. Испания эса Жаҳон чемпионатига умуман тайёр бўлмаган ҳолда келди. Тушунарсиз сабабларга кўра чемпионат олдидан мураббийни истеъфога чиқарди. Шунчаки тўпни ушлаб ўтириш учун футбол ўйнаган Испанияни пенальтилар сериясида ютдик.

Яна шуни қўшимча қилиш керакки, биз мундиалга квалификация раундисиз, яъни мезбонлик ҳуқуқи асосида иштирок этдик. Терма жамоамиз ва Черчесовнинг асл кучини энди кўрамиз. Европа чемпионатига чиқиш йўлидаги квалификация раундида ҳаммасига жавоб оламиз. Терма жамоа ва Черчесовга ҳақиқий баҳони энди қўямиз. Умуман, Черчесовнинг тайинлови тўғри ёки нотўғрими, ҳаммаси ошкор бўлади. Ҳамманинг ўз фикри бор. Менимча эса Черчесов танлови бу мутлақо нотўғри бўлган. Буни мен аввал ҳам, ҳозир ҳам айтаман", - дейди Канчельскис.