RU

Последние новости

13:40Марказий Осиё. Қозоғистон ва Қирғиз Республикасида пешқадам ўзгарди, "Истиқлол" мағлубиятга учради, "Аркадағ" эса...  0 13:23Дель Пьеро мураббийлик лицензиясини олди: "Бугундан бошлаб мени "мистер" деб аташингиз мумкин"  1 12:21Агар МЮ Европа лигасида ғалаба қозонса Делап "қизил иблислар"га ўтади  5 11:49"Манчестер Сити" стадион ёнида де Брюйне ҳайкали ўрнатилади  0 10:51Беллингем фаолиятини Германиянинг ТОП жамоаларидан бирида давом эттириши мумкин  1 10:23Уч нафар ҳужумчи ёзда “Ливерпул”ни тарк этиши мумкин  8 10:04Суперлига 11-тур расмийлари маълум. Марказий ўйинни Шавкат Насибуллаев бошқаради  4 09:57“Реал Мадрид“нинг Родригонинг ўрнига “Барселона“ анча вақтдан бери қизиқаётган футболчини сотиб олмоқчи  20 09:30“Арсенал“ ва “Челси“ 80 миллион фунтлик футболчи учун курашмоқда  1 09:03Вирцдан воз кечган “Ман Сити“нинг ёзги трансфер мақсади маълум  1 08:36“Реал Мадрид“ етакчиси операция қилинади ва келаси мавсумнинг бошини ўтказиб юборади  7 08:09Гвардиола ғалати сабаб туфайли “Ман Сити“ни тарк этиши мумкинлиги маълум қилди  18 07:45Sofascore. Жамоасининг голларидан бирига муаллифлик қилган Ғаниев неча баҳо олди?  6 07:18Ўзбекистон кубоги. Бугун гуруҳ босқичи якунланади  0 02:00АПЛ. "Манчестер Сити" "Борнмут"ни мағлубиятга учратиб, ЕЧЛ йўлланмасини деярли ҳал қилди. Ҳусанов қайдномага киритилмади  37

Андрей Канчельскис: “Биринчи навбатда олдимизда “Сурхон” билан ўйин турибди” Новости

Андрей Канчельскис: “Биринчи навбатда олдимизда “Сурхон” билан ўйин турибди”

Coca Cola Суперлига 22-туридан ўрин олган баҳсда “Навбаҳор” Термизда “Сурхон” меҳмони бўлади.

Жамоа аъзолари мазкур ўйинга тайёргарлик доирасидаги Намангандаги сўнгги машғулотни кеча якунлашди ҳамда Тошкентга жўнаб кетишди. “Лочинлар” бугун Термизга жўнашади.

Бўлажак ўйин олдидан “Навбаҳор” бош мураббийи Андрей Канчельскисдан қисқача интервью олдик.

- “Сурхон”га қарши кечадиган баҳсга жиддий тарзда тайёргарлик кўриб, машғулотлар олиб боряпмиз. Тўғри, бўлажак ўйин олдидан таркиб борасида айрим муаммолар мавжуд. Жумладан, сафимизда жароҳат олган футболчилар бор. Аммо бу ҳаёт, бу футбол. Умид қиламанки, жароҳатланган жамоадошларининг ўринларини бошқа ўйинчилар муносиб равишда тўлдира олишади. “Сурхон”га қарши кечаётган тайёргарлик доирасида Наманганда сўнгги машғулотни ўтказдик.

- Ўтган якшанба куни “Андижон”га қарши ўртоқлик баҳси ўтказиб, 2:0 ҳисобида ғалаба қозондинглар. Сизнингча, ушбу ютуқ ҳам бўлажак учрашув олдидан футболчиларнинг кайфиятларига ижобий таъсир кўрсатадими?


- Андижонликлар билан бўлган ўйинни кимдир назорат баҳси, кимдир ўртоқлик учрашуви демоқда. Нима бўлишидан қатъий назар, бундай ўйинларда натижа муҳим эмас. Керакли юкламалардан сўнг, футболчиларнинг жисмоний ҳолатларини кўздан кечириб олиш мақсадида, ушбу баҳсни ташкиллаштирдик. “Андижон” билан бўлган учрашувда ўйин амалиёти кам бўлган йигитларга майдонда кўпроқ имконият яратиб бердик, етакчи футболчиларни эса ҳордиқ бериш мақсадида эртароқ алиштирдик.

Андижонликларга қарши кечган баҳсда кўплаб шогирдларим жисмоний ҳолатлари ижобий эканлигини намойиш этишди. Қолган ўйинчилар ҳам муносиб тўп тепишга интилишди.
Умуман олганда, “Андижон“ билан бўлган учрашувда йигитларнинг намойиш этган ўйинлари ва жисмоний ҳолатларидан қониқиш ҳосил қилдим. Албатта, ғалаба қозониш ҳар доим ёқимли ҳамда шогирдларимга ушбу ютуқ бўлажак баҳс олдидан ижобий кайфият туҳфа этади, деган умиддаман.

- “Навбаҳор”га қайтганингиздан сўнг, ниҳоят, ўтган турда жамоа “Динамо” устидан ғалаба қозонишга муваффақ бўлди. Мазкур ютуқдан сўнг, “Навбаҳор” руҳий “ўра”дан чиқди, деб ўйлайсизми?


- Бу ҳақда гапиришга ҳали эрта. Олдинда яна 5та ўйин бор. Ўша баҳсларни ўтказгандан сўнггина, бу ҳақда фикр билдириш мумкин. Айни пайтда жамоамизда совриндорлар сафидан ўрин олиш учун минимал имконият бор ва ундан оқилона фойдаланишга интиламиз. Биринчи навбатда олдимизда “Сурхон” билан бўлиб ўтадиган ўйин турибди ҳамда мазкур баҳсда ғалаба қозониб, мухлисларни хурсанд этиш учун барча имкониятимизни ишга соламиз.

“Навбаҳор” ПФК матбуот хизмати

Рейтинг: +12   

Комментарии

championat.asia
< посмотреть последние новости
Яндекс.Метрика