“Андижон” ўз майдонида “Бунёдкор” билан ўйнайди?!

Бир йиллик танаффусдан сўнг яна кучлилар сафига қайтган “Андижон”ни бу йилги чемпионатни 2-ўринда якунлаганидан хабарингиз бўлса керак.


Гарчи биринчи лига ўйинлари ўтган ойнинг охирларида ўз поёнига етган бўлсада, “бургутлар” таътилга чиқмади. Футболчилар айни дамда ўз қароргоҳида кунига бир маҳалдан енгил машғулот ўтказмоқда. Бу бежиз эмас.

Олинган маълумотларга кўра, Азамат Абдураимов жамоаси 13 ноябрь куни “Бунёдкор” билан ўртоқлик учрашувида майдонга тушади. Мамлакат чемпиони бўлишга жуда яқин турган “қалдирғочлар” келаси ҳафтанинг чоршанба оқшомида Андижонга сафар уюштиради. Норасмий хабарларга кўра, ҳар иккала клуб бу борада ўзаро келишувга эришган.

Мазкур жамоалар ўртасидаги баҳс шаҳардаги “Соғлом Авлод” стадионида 14:00да бошланиши режалаштирилган.