"Андижон": Асосий таркиб ўринбосарлар билан икки марта куч синашди

Бугун Эдгар Гесс машғулотларда қатанашаётган футболчиларни назорат ўйини орқали синовдан ўтказди.
Асосий таркиб иккига бўлинган ҳолда ўринбосарлар билан икки марта куч синашди. Эрталаб ўтказилган биринчи ўйинда асосий таркиб ёшлардан 6:0 ҳисобида устун келди.
Дастлабки ўйинда қуйидаги футболчилар тўп суришди:Элдор Исабоев, Асрор Раҳмонов, Тимур Яфаров, Ярослав Крушельницкий, Иброҳим Отахонов, Расул Раҳмонов, Санжар Асқаралиев, Иқбол Акрамов, Шукур Жумабоев, Лочин Солиев, Абдумалик Абдуллаев (Муҳаммад Фозилов).
Голлар:Л.Солиев (3та), С.Асқаралиев, И.Акрамов, Ш.Жумабоев.
Куннинг иккинчи ярмида эса биринчи ўйинда майдонга тушмаган футболчилар таркибдан жой олишди. Бу учрашувда асосий таркиб 5:2 ҳисобида ғалаба қозонди.
Иккинчи ўйинда қуйидаги футболчилар:Лочин Долимов, Толиб Очилов, Раҳим Қодиров, Шавкат Раимқулов, Акбар Ходжаев, Фарруҳ Мирзаев, Илёс Хайров, Фарҳод Бекмуротов, Билол Шарофиддинов, Исроил Турсунов, Олег Дражук.
Захирадан майдонга тушганлар:Бекзод Ғозиев, Артур Маматказин, Алишер Тўхтасинов, Виталий Зотеев.
Голлар:И.Турсунов (3та) О.Дражук, В.Зотеев.