Андижоннинг икки жамоаси Қозоғистондаги турнир совриндорлари! ФОТОГАЛЕРЕЯ
05 мая 2018 11:41
Новости

Андижоннинг икки жамоаси Қозоғистондаги турнир совриндорлари! ФОТОГАЛЕРЕЯ

Теги : Андижон

Кеча Қозоғистоннинг Шимкент шаҳрида 2006-2007 йилларда туғилган ўсмирлар ўртасида собиқ Иттифоқ меҳнат қаҳрамони Боранбек Шукурбеков хотирасига бағишланган футбол турнири якунланди.

Турнир илк ярим финалида Андижоннинг икки жамоаси ўзаро тўқнаш келди. Унда Андижон футбол академияси жамоаси Андижон вилояти футболга ихтисослаштирилган мактаб интернатини 2:1 ҳисобида мағлуб этди.

Ярим финалнинг иккинчи тўқнашувида Қозоғистоннинг "Арис-1" ёшлари "Арис-2" устидан 4:1 ҳисобида ғалабага эришди.

Турнирнинг 3-ўрин учун ўтказилган Андижон ВФИМИ - "Арис-2" жамоалари ўртасидаги баҳснинг асосий вақтида 1:1 ҳисоби қайд этилди. Пенальтилар сериясида андижонликлар 4:3 ҳисобида ғалаба қозонди.

Финалда эса "Арис-1" меҳмон Андижон футбол академиясини 3:1 ҳисобида мағлубиятга учратди.

Турнир якунларига кўра, Андижон футбол академияси жамоаси 2, Андижон ВФИМИ 3-ўринни қўлга киритди.