Андижонда ОФК дастури асосида барпо қилинган мини-футбол майдончасининг очилиш маросими бўлиб ўтди

Учрашувда мамлакатимизда футболни ривожлантиришга асосланган турли лойиҳалар бўйича ўзаро ҳамкорлик масалалари муҳокама қилинган ҳамда ОФК томонидан Ўзбекистонда болалар учун мўлжалланган сунъий қопламали мини-футбол майдончалари барпо этилиш учун маблағ ажратилишига келишилган эди.

Ушбу келишувга асосан Осиё футбол конфедерацияси томонидан бир қатор қурилиш компаниялари ўртасида махсус тендер ўтказилди. Тендерда спорт иншоотларини барпо қилиш бўйича катта тажрибага эга бўлган Италиянинг “Limonta Sport” компанияси ғолиб чиқди. Ушбу компания Андижон ва Қўқон шаҳрида мини-футбол майдонларининг қурилиш ишларини бошлаб юборгани ҳақида аввал хабар бериб ўтгандик.

Бугун 26 август куни  Андижон шаҳрида янги мини-футбол майдончасининг   очилиш тадбири бўлиб ўтди.  Унда маҳаллий ҳокимият вакиллари, футбол фахрийлари ва ЎФА мутасаддилари иштирок этди.

Маросимда сўз олган вилоят ҳокимлиги котибият мудири Шавкатбек Нишонов, вилоят футбол ассоциациаси биринчи вице-президенти Бекзодбек Каримовлар ёш футболчиларни ажойиб ажойиб майдончаларнинг очилиши билан табрикладилар.

Футбол майдончаларида шу куннинг ўзида 2007-2008 йилларда таваллуд топган болалар ўртасида “Мустақиллик Кубоги”  мусобақалари бошланди.