Андижон вилояти футбол федерациясининг йил якунларига бағишланган ҳисобот йиғилиш ва байрам тадбири бўлиб ўтди

Йиғилишдан сўнг футбол бўйича 2017 йилнинг “Энг яхшилари”ни тақдирлаш маросими ҳамда йил якунларига бағишланган байрам тадбири ўтказилди. Ушбу тадбирда вилоят футболи фахрийлари, 2-табақа жамоаларининг мураббийлари, “Андижон”, “Турон-С” ва “Андижанка” жамоалари мутасаддилари, футбол бўйича назоратчилар, ҳакамлар ҳамда оммавий ахборот воситалари ҳодимлари иштирок этдилар.    

Вилоят футбол федерациясининг талқинига кўра, бир қатор номинациялар бўйича  2017-йилнинг “Энг яхши”лар аниқланди. Унга кўра,  “Энг яхши мураббий” – Бахтиёр Ҳамидуллаев (“Шахрихон-1926” жамоаси), “Энг яхши болалар мураббийи” – Лочин Гулдаев (Андижон шаҳар ихтисослаштирилган футбол мактаб-интернати), “Энг яхши футбол ҳаками” – Темур Тўхтасинов, “Энг яхши футбол мактаб-интернати” – Андижон шаҳар ихтисослаштирилган футбол мактаб-интернати,

“Энг яхши ўйинчи”  - Вагиз Галиулин, “Энг яхши ёш футболчи” – Зайниддин Ҳамробоев деб топилди.  

Шунингдек Андижон вилояти футболи ривожи ва унинг оммавийлигини оширишда беқиёс хиссасини қўшиб келаётган футбол фахрийлари – Исломжон Раҳимов, Тоҳир Эшонхўжаев, Муҳаммадқосим Тўхтасинов ва Искандар Галиулин, шунингдек вилоят футболини оммавий ахборот востиларида кенг тарзда ёритиб бораётган маҳаллий журналистлар – Ғуломқодир Абдураҳимов, Тўлқин Сиддиқ (“Андижоннома” газтеаси), Элмурод Эрматов (“kun.uz”сайти), Музаффар Каримов (Андижон вилояти телерадиокомпанияси), Муҳаммаджон Билолов (Андижон вилояти телерадиокомпанияси), Исломбек Рустамбеков (“championat.asia” сайти), БахтиёрТоштемиров (“sports.uz” сайти) ҳамда Шерзодбек Мамадалиев (“УзДонгЖу” футбол клуби) Андижон вилоят футбол федерациясининг ташаккурномаси ва эсдалик совғалари билан тақдирландилар.

Шунингдек тадбир иштирокчилари жорий йил вилоят футболида амалга оширилган ишлар юзасидан видео ролик орқали танишди. Тадбир юқори ва кўтаринки руҳда ўтказилди.