"Андижон" - "Машъал". Ўйинолди йиғилиш бўлиб ўтди

19-турнинг марказий учрашуви Андижонда бўлиб ўтади. Унда "Андижон" Муборакнинг "Машъал" жамоасини қабул қилади. Кеча учрашув комиссари Роман Черников "Соғлом авлод" стадионига ташриф буюриб, ҳар икки жамоа расмийлари иштирокида ўйинолди йиғилиш ўтказди. 

Унда одатдагидек, ҳар икки жамоанинг расмий шахсларига ўйин олдидан қилиниши керак бўлган ишлар ва баҳс чоғида амал қилиниши зарур бўлган жиҳатлар бўйича Роман Черников тушунтириш бериб ўтди. 

Ўйинолди йиғилишда одатга кўра, жамоаларнинг қайси рангли либосда ўйнашига ҳам ойдинлик киритиб олинди. Унга кўра, мезбонлар оқ рангли, меҳмонлар эса сариқ-қизил рангли либосида майдонга тушиши маълум бўлди. 

Эслатиб ўтамиз, "Андижон" - "Машъал" учрашуви бугун "Соғлом авлод" стадионида соат 19:00да бошланади. Қизиқарли ва муросасиз тарзда кечиши кутилаётган учрашувга мухлисларни чорлаймиз!