“Андижон” футбол клуби раҳбариятида ўзгариш юз берди

Шундан сўнг клуб тизимидаги ишчи-ходимлар бўйича ҳам эътиборга молик ўзгаришлар амалга оширилмоқда.

Узоқ йиллардан буён “Андижон” клубида техник-директори лавозимида фаолият юритиб келган Ариф Маматказин яқинда эгаллаб турган лавозимидан озод этилди. Футболчилик қисмини “Андижон”да ўтказиб, бир неча йиллар мобайнида мураббий сифатида ҳам жамоа ривожига ўз ҳиссасини қўшган Ариф Исмаилович билан клуб раҳбарияти дўстона равишда хайрлашди ва мутахассиснинг келгуси фаолиятига омад тилаймиз.

Эндиликда “Андижон” клуби техник-директори лавозимида Шоядбек Муллажонов фаолият юритадиган бўлди. Маълумот учун Шоядбек Муллажонов 1994 йили Андижон вилоятининг, Андижон шаҳрида таваллуд топган. 2013-2017 йиллар мобайнида “Олмалиқ”, “Андижон” ва “УзДонгЖу” жамоасида футболчи сифатида фаолият юритган. 2018 йили Андижон Давлат Университетининг жисмоний маданият факултетини тамомлаган.