«Андижон» ФК вакиллари пахта йиғим-теримида иштирок этишди

Кеча «Андижон» футбол клуби вакиллари (раҳбарият, футболчилар ва ишчи ходимлар) «Андижанка» аёллар жамоаси, клубимиз тасарруфидаги «Болалар ва ўсмирлар футбол мактаби»нинг мураббийлари ва ёш футболчилари бир жамоага айланиб, оқ-олтинимиз бўлмиш пахта-2016 йиғим-теримида бевосита иштирок этди.
Миллий терма жамоамизнинг Эронга қарши ЖЧ-2018 учинчи саралаш босқичи 3-тур ўйини туфайли чемпионат баҳсларида танаффус эълон қилинган эди.
Ушбу оралиқда «бургутлар» пахта йиғим-теримида бўлиб қайтди.

Андижон вилоятининг Избоскан туманида жойлашган бўлимларнинг бирида жамоамиз теримчилари оқ-олтинни сифатли териш жараёнида қатнашишди.  Бепоён далада клуб раҳбарияти, футболчилар ва ишчи ходимлар ёнма-ён меҳнат қилишиб, юртимизнинг пахта хирмонига ўз улушларини қўшишди. Дарвоқе, жамоамиз аъзоларининг кўпчилиги шу куни хаётида илк бор пахта йиғим-теримига чиққан бўлсада, якунда натижа чакки бўлмади.