“Андижон” ФК раҳбарияти ОАВ ходимлари билан учрашди

“Андижон” футбол клуби раҳбарияти буни яхши англаган холда, жорий мавсум олдидан маҳаллий ОАВ вакиллари билан учрашув ташкил этиб, бир қатор масалалар юзасидан очиқ мулоқот ўтказди. 

Бугун тушликдан сўнг клуб офисида жамоа вице-президенти Абдисаломов Маъруфжон Жамолдинович андижонлик оммавий ахборот воситалари ходимлари билан учрашиб, суҳбатлашди. Унда “Андижоннома”, “Андажанская правда”, “Футбол Экспресс” газеталари, “uff.uz”, “championat.asia” интернет портали, “Андижон вилояти телерадикомпанияси” ҳамда “Спорт ТВ” мухбирлари қатнашди. 

Очиқ мулоқот чоғида чемпионат олдидан стадионда матбуот вакиллари учун қилиниши керак бўлган шароитлар борасида сўз борди. Абдисаломовнинг айтишича, бу йил “Андижон” жамоаси уй ўйинлари ўтказиладиган “Соғлом авлод” стадионида таъмирлаш ишлари жадаллик билан олиб борилмоқда. Маҳаллий журналистларни қувонтирадиган жиҳати шуки, стадионда эндиликда ОАВ учун махсус жой жорий этилганидир. Бунгача журналистларнинг стадионда ўйин чоғида эркин иш олиб бориши учун етарлича шароит бўлмагани айни хақиқат. Эндиликда “Соғлом авлод” стадионида медиа-трибуна жорий этилди. У ерда юқори тезликдаги интернет ҳамда учрашувдан сўнг микст-зона ва матбуот анжумани учун махсус жойлар қилинаётгани таъкидланди. Абдисаломов шунга монанд медиа-трибунада учрашув чоғида фақат астойдил ишлайдиган ОАВ ходимлари бўлишига ҳам алоҳида урғу бериб ўтди.

Оммавий ахборот воситалари ҳам учрашув чоғида ўзларини қизиқтирган саволлар билан клуб раҳбариятига мурожаат қилди.

"Андижон" ФК матбуот хизмати.

Фото: Элмурод Эрматов.