"Андижон" билан парадоксал вазият юзага келди

"Клубга собиқ футболчилар олдидаги қарзлари туфайли янги футболчиларни рўйхатдан ўтказиш тақиқланган. 

Айтишларича, қарзлар 2015 йилги. Клуб бу қарзларни тан олади, аммо қайтаришга шошилмаяпти.

Хўш, бунинг нимаси парадокс? – Клуб қарзларни тан олиши.

Бошқача бўлиши мумкинми? – Мумкин. Чунки айнан шу клуб 2020 йилдаги собиқ ходимлар ва бошқа ташкилотлар олдидаги бошқа қарзларини тан олмайди.

Ва бу ходимларнинг ваколатли органларга мурожаатлари ҳеч нарсани англатмайди. Чунки улар айтганидек, "Андижон" ФКнинг амалдаги инкарнацияси (мужассамлиги) фақат 2020 йилнинг охирида қонуний рўйхатга олинган. Ва шунинг учун Ўзбекистон қонунчилиги нуқтаи назаридан клубнинг аввалги ходимлари олдидаги қарзлари қайтарилиши шарт эмас.

Шундай қилиб, парадокс:

Бир томондан, "Андижон" ФК аввалги клубининг футболчи ва мураббийлар олдидаги қарзларини тан олади, аввалги клубнинг хизматларини тан олади (акс ҳолда, 2021 йилда Суперлигада ўйнай олмасди), лекин бошқа қарзларини тан олмайди. 

Айтиш жоиз, жабрланувчилар клубнинг энг кам маош оладиган ва энг ҳимоясиз ходимларидир. Улар эса ўз юртларида адолат излашдан чарчаган ҳолда ФИФА ва ОФКга шикоят ёзишга тайёр.

Дарвоқе, "Андижон" ФК 2020 йил охирида тузилган ва айни пайтда 2015 йил учун қарзларини тан олган бўлса, аудиторлик ҳисоботи қандай кўринишдалигини кўриш қизиқ", – дейилади Никимбаев постида.