Анчелотти "Реал"даги келажаги ҳақидаги саволга жавоб берди

"Келажакда мени нима кутаётганини билмайман, мен бугунги кун учун яшайман. Ҳозир ўзимни Мадридда ажойиб ҳис қиляпман, жорий мавсумда эришишимиз керак бўлган мақсадларимиз бисёр, келажагим ҳақида ўйлаш учун ҳали вақт етарлича. Шартномам 2024 йилнинг 30 июнига қадар амал қилади. Агар “Реал” мени ишдан бўшатмаса, у ҳолда ҳеч қаерга кетмайман”, — деди Анчелотти.

Анчелоттининг "Реал" билан 2021 йилда имзолаган шартномаси 2024 йилнинг ёзига қадар мўлжалланган.

Унинг қўл остида жамоа ўтган мавсум Испания чемпионати, Испания Суперкубоги ва Чемпионлар лигасида ғолиб чиқди.