Анчелотти ПСЖ билан асосий таркибни ҳеч кимга ҳеч нарса демай аниқлаган экан
29 сен 2017 07:29
Новости

Анчелотти ПСЖ билан асосий таркибни ҳеч кимга ҳеч нарса демай аниқлаган экан

«Бавария» истеъфога чиқарган Карло Анчелотти ПСЖга қарши ўйинга (0:3) асосий таркибни қай тариқа аниқлагани маълум бўлди.

Учрашувдан олдин Карло асосий таркибда майдонга тушадиган 11 нафар футболчи номини ёзди ва бирон сўз демай кийим алмаштириш хонасини тарк этди. Кўплаб футболчилар бундан шокка тушишди ва ғазабланишди.

Олдинроқ Жером Боатенг асосий таркибда тушиши айтилганди, аммо мураббий уни хатто қайдномага ҳам киритмади. Анчелотти бунга ҳам изоҳ бермади.

Учрашувдан олдин жамоа ички муҳити ёмон эди. Футболчиларга Анчелоттининг машғулотлари ҳам ёқмай қолганди.

Раҳбарият Париждаёқ уни ишдан бўшатиш ҳақида қарорни қабул қилиб бўлганди.

«Бавария»нинг беш нафар футболчиси Анчелотти билан ишлашдан «тўйишганди»: Рибери, Роббен, Боатенг, Хуммельс ва Мюллер.