Анчелотти: “Наполи” Гамшикнинг трансфери бўйича музокара олиб бормоқда”

“Айни пайтда музокаралар давом этмоқда. Клуб Гамшикни ҳурмат қилади, чунки у “Наполи” тарихига ўз номини муҳрлай олган футболчи. Агар у бошқа жойда тажрибасини оширишни истаса, биз унинг қарорини ҳурмат қилишимиз лозим. Яширмайман, айни пайтда унинг трансфери борасида музокаралар давом этмоқда. Мен ва клуб раҳбарияти агар футболчи жамоани тарк этишни истаса, унга қаршилик қилмаймиз”, дея Анчелоттининг сўзларидан иқтибос келтирмоқда Football Italia.

ОАВда тарқатилган хабарларга кўра, Марекнинг хизматларига Хитойнинг “Далянь Ифан” клуби қизиқиш билдирмоқда ва улар футболчининг трансфери учун 25 миллион евролик таклифни Италия клубига жўнатишган. Ушбу ўзгариш яқин 48 соат ичида амалга ошиши мумкин.

Гамшик 2007 йилдан буён Неаполда тўп тепиб келмоқда. Жорий мавсумда футболчи А серияда 13 та учрашувда майдонга тушди.