Анчелотти Алабанинг голи учун унинг ўғлига раҳмат айтди
15 авг 2022 20:28
Новости

Анчелотти Алабанинг голи учун унинг ўғлига раҳмат айтди

"Реал Мадрид" бош мураббийи Карло Анчелотти Давид Алабанинг жарима зарбасини ижро этиш фикри унинг ўғли Дэйвидга тегишли эканлигини айтди.

30 ёшли австриялик чап қанот ҳимоячиси Лос-Бланкоснинг "Альмерия"га қарши кечаётган баҳсида захирадан майдонга тушди ва 74-дақиқада жарима зарбасидан гол уриб, жамоасини олдинга олиб чиқди.

Анчелотти нима сабабдан Алаба жарима зарбасини амалга оширганини ва у билан бирга клубда фаолият олиб борадиган ўғли Дэйвиднинг ғоясини тушунтириб берди.

"Аслида жарима зарбасини Карим ёки Тони тепиши керак эди. Дэйвид менга Алаба тепиши учун рухсат беришимни сўради, чунки у ўша масофадан яхши стандарт амалга оширади. Биз Алабанинг зарба бериши кераклигини айтдик. Лекин бу қарорга келиш осон бўлмади, чунки Карим ва Тонига йўқ дейишимиз керак эди. Мен ҳазил қилдим. У эса зарба берди ва гол урди", — деди италиялик мутахассис.

Ссылка :

Источник : Football Espana

Получайте новости прямо в Telegram!

Рейтинг: +7