Ана холос, Ироқ бош мураббийи беш ойдан бери маош олмаяпти
14 июн 2021 14:44
Новости

Ана холос, Ироқ бош мураббийи беш ойдан бери маош олмаяпти

Ироқ терма жамоаси билан жаҳон чемпионатига боришни мақсад қилган Сречко Катанецда молиявий муаммолар юзага келган.

Гап шундаки, ушбу мутахассисга Ироқ футбол федерацияси охирги 5 ойдан бери маош тўламаяпти. Бу ҳақда словениялик мураббийнинг ўзи журналистларга берган интервьюсида айтиб ўтди.

Маълум бўлишича, федерация ҳозирги пайтда мураббийнинг фақат бир ойлик маошини бериши мумкин. Сречко Катанец эса пуллар тўлиқ берилмаса терма жамоадан кетишини айтган. Федерация раҳбарияти ҳатто унинг ўрнига бошқа мураббий ҳам топиб қўйди, бу - чехиялик Мирослав Соукуп.

Эслатиб ўтамиз. Ироқ терма жамоаси ЖЧ саралаш баҳслари иккинчи раундида 17 очко билан гуруҳда пешқадамлик қиляпти. Иккинчи ўринда эса 15 очко тўплаган ҳолда Эрон бормоқда. Эртага ҳар икки жамоа биринчи ўринни ҳал қилиш олиш учун ўзаро кураш олиб боради.

Ссылка :

Получайте новости прямо в Telegram!

Рейтинг: +2