Амиржон Сафаров: "Голларим "Динамо"га ғалаба келтирганидан хурсандман"

Учрашувдан кейин ёш ҳужумчининг фикрлари билан қизиқдик.

«Самарқанддаги дастлабки тур ўйинида ғалаба қозонишимиз шарт эди. Захирадан тушиб икки голим эвазига жамоам ғалабасини таъминлаганимдан жуда хурсандман» - дея гап бошлади «Динамо» ҳужумчиси.

- Захирадан майдонга тушаётганингизда мураббийлар қандай кўрсатма беришганди?

- Жароҳат олган Азамат Бобожонов ўрнига майдонга тушганлигим боис, мураббийларимиз тўпни ўзимда ушлаб, тезкор ҳужумга кўпроқ ўтишимни таъкидлашганди. Шу боис имкон бўлди дегунча ҳужумга ўтдим. Қолаверса, ҳужумда Алишер ака Холиқовдек тажрибали ҳужумчи билан бирга тўп сурганим катта ёрдам бўлди. У кишидан ҳам жуда кўп нарса ўрганаяпмиз.

Жамоамиз мураббийлари барча ёшларга имконият беришмоқда. Уларни ишончини оқлаб, бундан фойдаланишга интилаяпмиз. Бутун мавсум ўйинлар ҳали олдинда. Умид қиламанки, қолган ўйинларда ҳам ўз голларим ва ғалабамиз билан «Динамо» мухлисларини хурсанд қиламиз.