Алвес гаров учун 1 млн еврони қаердан олгани маълум бўлди. Бразилиялик бу пуллар эвазига бир ишни қилиши керак

Душанба куни зўрлаш сабаб 4,5 йилга озодликдан маҳрум этилган "Барселона" собиқ ҳимоячиси қарор тўлиқ кучга киргунига қадар 1 млн евро миқдорида гаров пули бериб қамоқдан чиқди. Шу билан биргаликда, Алвесдан паспортини олиб қўйишди ва унга ҳар ҳафтда судга боришни шарт қилиб қўйишди.

Fiestda дастури Алвес қандай қилиб гаровни тўлай олганини маълум қилди. Манбага кўра, Данига пулни бирор инсон эмас, балки компания тақдим этган. Бу Алвеснинг ҳаёти ҳақидаги эксклюзив мақола эвазига маблағ тақдим этган Бразилия журнали бўлиб чиқди.

Қайд этилишича, Алвес собиқ рафиқаси Жоана Сансдан суратга тушишда иштирок этишни сўраган.

"Бу журнал Бразилия ва дунёда таниқли, у машҳур инсонлар ҳақида ажойиб мақолалар тайёрлайди. Улар кейинчалик ёзадиган мақолалари эвазига пул тақдим этишган. У аллақачон тайёрланмоқда", – дейилади дастурда.

Маблағ халқаро ўтказма сабаб бироз кечикиб тушди.