Аллегри "Верона"га қарши ўйиннинг 96-дақиқасида четлатилди

"Ювентус" А Сериянинг 10-турида "Верона"ни 90+6-дақиқадаги гол эвазига мағлуб қилди. Ғалаба голини Андреа Камбьязо киритди. Футболчи голни нишонлаш чоғида либосини ечгани учун бош ҳакамдан сариқ карточка қабул қилиб олди. Шундан кейин арбитр Эрманно Феличиани туринликлар бош мураббийи Массимилиано Аллегрига қизил карточка кўрсатган.

Ҳозирча қизил карточканинг сабаби ва эндиликда мураббийнинг нечта ўйинга дисквалификация бўлиши аниқ эмас.