Алишер Шоғуломов: "Пуришкиндан кўра ёшларга имконият беришни маъқул кўрдик"

"Учрашувни кўриб ўзларинг гувоҳ бўлдинглар, оғир ўйин ўтказдик. Тўғриси майдон чимида озгина муаммолар бор экан. Стадион майсаси бир оз ўсиб кетган. Биласизми, Самарқандга борганимизда ҳам стадион майсаси шунақа эди. Эшитишим бўйича,  “Истиқлол” жамоасида майдон борасида муаммо бор экан. Бугунги ўйинда омад биз томонда бўлди. "Истиқлол" жамоаси бир неча бор имкониятлардан фойдалана олмади.

Кўриб турганингиздек, ҳар бир учрашувда ёшларга имконият беришга ҳаракат қилмоқдамиз. Масалан, "Хоразм"га қарши бўлиб ўтган ўйинда ҳам 4-5 нафар ёшлар клубимизда илк ўйинини ўтказишди. Яқинда клубимизга Испаниядан мутахассис келиб қўшилади. Ўйлайманки, ушбу мутахассис клубимиз равнақи йўлида ўз ҳиссасини қўша олади.

Павел Пуришкинни нега таркибга қўшиб олмадик? Биласизми, Пуришкин Ўзбекистонга қайтиб келганида унинг жисмоний имконияти яхши эмас эди. Биз уни тикланишидан кўра ёшларга имкон бериш лозим деб топдик" - дейди Алишер Шоғуломов.

Бекзод Толибов ёзиб олди