Алишер Саматов: “Нефтчи” ушбу баҳсга жиддий тайёргарлик кўрган экан”
17 мар 2017 12:40
Новости

Алишер Саматов: “Нефтчи” ушбу баҳсга жиддий тайёргарлик кўрган экан”

Кеча Ўзбекистон чемпионати 3-тур учрашуви доирасида Наманганнинг “Навбаҳор” клуби Фарғонанинг “Нефтчи” жамоасига қарши баҳс олиб борди.

Ушбу учрашувда томонлар муроса йўлини танлашди 1:1. Қизиқарли кечган учрашувдан сўнг “Навбаҳор” клуби футболчиси Алишер Саматов ўйин ҳақида ўз фикрлари билан ўртоқлашди.

“Нефтчи” жамоаси ушбу баҳсга жиддий тайёргарлик кўрган экан. Ғалаба қозонишимиз учун бизга бироз омад етишмади, деб ўйлайман. Биз кўпроқ ҳужумлар уюштирдик, рақибларимиз ҳимояга ётиб олди. Шунинг учун ҳам дуранг натижа қайд этдик. Ўтган йилги таркиб ҳам яхши эди, бу йилгиси ҳам чакки эмас. Ёшлар ва легионерлар таркибга жалб қилинган. “Нефтчи”ни ўйин услуби менга ёқди”, - дейди “Навбаҳор” клуби футболчиси Алишер Саматов.

Шерзод Ҳамдамов ёзиб олди