Алибобо Раҳматуллаев "Навбаҳор"га қайтди

Мавсумга пойтахтда тайёргарлик олиб бораётган "лочинлар" эртага "Бухоро"га қарши сўнгги назорат учрашувини ўтказишади. Мазкур беллашув соат 11.00 да старт олади. Шундан сўнг жамоамиз Наманганга қайтиб келади.

Мавсумга тайёргарликнинг қолган қисмини Рашид Ғофуров бошчилигидаги клубимиз ўз уйида ўтказишни режалаштирган. Кичик жарохати борлиги боис марказий ҳимоячи Игорь Голбан уйига бориб-келишга рухсат сўраган. Легионеримиз шунинг учун бухороликларга қарши баҳсда жамоамизга ёрдам бера олмайди. Шунингдек яқиндагина таркибга қўшилган ҳужумчи Дониёр Усмонов ҳам "Навбаҳор" лагерини тарк этган. Маълум бўлишича, хуқуқий жихатдан "Локомотив"га тегишли бўлган футболчини "темирйўлчилар" қўйиб юборишни исташмаган.

Таркибга қўшилганлар хақида айтадиган бўлсак, ўтган мавсумнинг иккинчи ярмида жамоамизга қўшилган ярим ҳимоячи Алибобо Раҳматуллаев янги мавсумни яна "Навбаҳор"да бошлаши мумкин. Бугун Раҳматуллаев машғулотларга қўшилди.