Алексей Евстафеев: "Ҳимоямизда муаммолар етарлича"

Бу йиғин доирасида Алексей Евстафеев бошчилигидаги жамоа Японияга қарши иккита ўртоқлик учрашувини ўтказди (2:3, 2:2). Биз мана шу ўйинлар ва йиғин ҳақидаги фикрларини билиш учун Алексей Евстафеевга мурожаат қилдик. 

“Япония кучли жамоа эканлигини икки ўйин давомида кўрсатди. Йиғинлар давомида камчиликлар борасида ишлаяпмиз, саралашга вақт ҳам оз қолди. Ҳимоя чизиғимизда муаммолар етарлича. Тезлик борасида ҳам оқсадик, японлар эса тактик ва фикрлаш борасида устунликка эга эканликларини кўрсата олдилар. Саралаш босқичларида рақибларни ўрганяпмиз. Ҳозирча Қатар борасида тушунчага эгамиз холос”, - дейди Алексей Владимирович.

Маълумот ўрнида, Ўзбекистон ёшлар терма жамоаси шу йилнинг 4-12 октбярь кунлари 2014 йили Мянмада бўлиб ўтадиган ёшлар ўртасидаги Осиё чемпионати саралаш баҳсларида иштирок этади. Ўзбекистон ёшлари саралаш баҳсларининг «А» гуруҳида Қатар, Туркманистон, Ҳиндистон ва Непал ёшлар терма жамоаларига қарши баҳс олиб борадилар. «А» гуруҳи баҳсларига эса, Қатар мезбонлик қилади.