Александр Хомяков: "Ҳар қандай жамоа кутилмаган сюрприз тайёрлаб қўйиши мумкин"
08 авг 2024 00:04
Новости

Александр Хомяков: "Ҳар қандай жамоа кутилмаган сюрприз тайёрлаб қўйиши мумкин"

Ўзбекистон кубоги чорак финал босқичидан ўрин олган "Қизилқум" - "Андижон" (0:3) учрашувидан сўнг меҳмонлар бош мураббийи Александр Хомяков матбуот анжуманида иштирок этди.

Ўйин ҳақида

- Навбатдаги босқич йўлланмаси билан барчани табриклайман. Йигитларни, клуб вакилларини, умуман ҳамма-ҳаммани. Бизда жонкуяр мухлислар бор, улар учун ҳар доим ҳар бир ўйинда ғалаба учун майдонга чиқамиз. Мухлислар томонидан ёрқин қўллаб-қувватлаш бизга қўшимча мотивация беради. Йигитларга рахмат, улар охиригача ҳаракат қилишди.

- "Қизилқум"нинг бугунги ўйин учун танлаган таркибидан келиб чиқсак, натижадан қониқдингизми?

- Тушунарли, "Қизилқум" жамоаси бугун бироз ёш футболчилардан иборат таркиб билан ўйнади. Ҳар қандай жамоа кутилмаган сюрприз тайёрлаб қўйиши мумкин. Вазифамиз кейинги босқичга қаратилганди, буни уддаладик.

- "Андижон" халқаро майдон йўлланмасини Ўзбекистон кубогини ютиш орқали ҳал қила оладими?

- Келинг, охиригача кузатайлик. Биз ярим финалга чиқдик, олдинда ўйинлар бор. Мен ҳозир бизни жонкуярлик билан қўллаб-қувватлаётган мухлисларимизни ярим финал йўлланмаси билан табрикламоқчиман.

Ссылка :

Источник : championat.asia

Получайте новости прямо в Telegram!

Рейтинг: +3