Александр Крестинин: "Ўйинга ким яхшироқ тайёргарлик кўрган бўлса, ўша ўйинчи майдонга тушади"

- Ўйин ҳақида

- Ҳамма мухлисларни ғалаба билан табриклайман. Шу жумладан, ўйинчиларни ҳам. Ғалаба қозониш осон бўлмади. Йигитлар эса борларини беришди. Омад ҳам келди. Биз учун бу жуда муҳим ғалаба эди. "Насаф" жуда кучли ва юқори даражадаги жамоа. Яна бир бор табриклайман.

- "Насаф" жамоасини қандай ўрганиб чиқдингиз?

- Биз йигирма биринчи асрда яшаяпмиз. Аҳборот асри. Ҳар доимгидек рақибни ўргандик. Видео ва бошқа воситалар ёрдамида. 

- Бугун дарвозани бошқа дарвозабон қўриқлади...

- Бугунги учрашув жуда муҳим эди. Бугунги кунда ўйинга ким яхшироқ тайёргарлик кўрган бўлса, айнан ўша ўйинчи майдонга тушади.

- Ўзбекистон чемпионати сизда қандай таассуротлар қолдирмоқда?

- Мен Ўзбекистон чемпионатини жуда яхши биламан. Бу ерда мен учун ҳеч қандай сюрприз йўқ. Яна бир марта такрорлайман, Суперлига жуда кучли ва шу билан бирга қийин чемпионат. Бу ерда кучсиз жамоанинг ўзи йўқ.

- Бу йил ким чемпион бўлади?

- Еттита турдан кейин ким энг кўп очко тўпласа, ўша чемпион бўлади.