Александр Крестинин: "Мирлан жисмоний жиҳатдан жуда кучли"

Мирланнинг фаолиятини Ўзбекистонда давом эттиришига Қирғизистон миллий жамоаси бош мураббийи Александр Крестинин қандай фикрда экани билан қизиқдик.

- Мирлан Мурзаевни "Навбахор"га ўтиши ҳақида нима дея оласиз?

- Аввалам бор, Ўзбекистон чемпионатига ўтиш унинг фаолиятида олдинга ташланган қадам. Қолаверса, унинг янги жамоаси жуда кучли ва олдига катта мақсадларни қуйган. Мирлан "Навбаҳор"га фойдаси тегишига шубҳа қилмайман.

- У Суперлигага қанчалик тайёр? Балки у чемпионат юлдузи бўла олар?

- Юлдуз нималигини билмайман, чунки бу сўзни кўпроқ журналистлар ишлатишади, биз муррабийлар футболчиларга бошқачароқ қараймиз. Ўйлайманки, Мирланнинг "Навбаҳор"га 

фойдаси тегади, чунки унда жуда катта тажриба бор. Мурзоев жуда кўп лигаларда, жумладан Туркия ва Ҳиндистон лигаларида ҳаракат қилган, шунинг учун ҳам унда халқаро тажриба етарлича.

- Мирлан Мурзаев ҳақида нималарни билишимиз керак? У бизни нимаси билан хайрон қолдира олади?

- Мирлан жисмоний жиҳатдан жуда кучли, чунки у қисқа ва узоқ масофага жуда тез югура олади. Биринчи ва иккинчи қаватларда бемалол кураша олади. Бундан ташқари, у техник 

томондан жуда хавфли, шунга қарамай, у ҳимояга қайтиб ёрдамлашади. Бир сўз билан айтганда, сифатли футболчи.

"Навбаҳор" трансфер қил(аёт)ган легионер...