RU

Последние новости

11:22Сегунда клуби 6 ойда 20 000 томошабинга мўлжалланган вақтинчалик стадион қурди  3 10:53Англия терма жамоаси аъзоси "Арсенал"га ўтмоқда  1 10:20Россиянинг олти карра чемпиони фаолиятини юртимизда давом эттириши мумкин  14 09:46"Андижон" нигериялик ҳужумчи билан шартнома имзолаши мумкин  4 09:11"Навбаҳор"нинг Аброр Исмоилов олдида қанча қарзи борлиги маълум бўлди  11 08:32"FourFourTwo" "Барселона" тарихидаги энг яхши футболчилар рейтингини тузди  13 08:13Райс мухлисларнинг норозилиги ҳақида: "Бу менга ёқмади. Мадуэке ҳали нималарга қодирлигини кўрсатади"  0 01:48Камавинга ва Себальоснинг "Реал"даги тақдири маълум бўлди  0 01:15"Атлетико" Линони 25 миллион еврога сотиб юборди  0 00:55Азиз Холмуродов: "Бизнинг ёш тоифасидаги энг кучли терма - Япония"  3 00:43Ўзбекистон U23 терма жамоаси Японияга қарши ўйин учун тайёргарликни давом эттирмоқда ГАЛЕРЕЯ  0 00:11Конференциялар лигаси саралаши. "Сабаҳ" сафарда ишончли ғалаба қайд этди, Раҳмоналиев майдонга туширилмади  2 23:59Конференциялар лигаси саралаши. "Истанбул Башакшеҳир" қийин ғалаба қайд этди, Шомуродовдан дебют  17 23:36Breaking! "Зўр ТВ" ЖЧ-2026 трансляция ҳуқуқини сотиб олди!  20 23:13Тер Штеген операция қилинади  1

Александр Крестинин: "Биз "Локомотив" номли санатория эмасмиз" Новости

Александр Крестинин: "Биз "Локомотив" номли санатория эмасмиз"

Суперлига 13-туридан ўрин олган "Нефтчи" - "Локомотив" (1:1) учрашувидан сўнг меҳмонлар бош мураббийи Александр Крестинин матбуот анжуманида иштирок этди.

- Ўйин ҳақида

- Бугунги ажойиб футбол атмосферасига гувоҳ бўлдим. Фарғонада биринчи маротаба бўлишим. "Локомотив"нинг камсонли мухлисларига раҳмат айтаман. Ўйин икки жамоа учун ҳам қийин кечди. Рақибимиз кўпроқ тўпга эгалик қилган бўлиши мумкин, аммо биз натижа учун ҳаракат қилдик. "Нефтчи" яхши шаклланган жамоа эканлиги билардик. Бундай рақибга қарши ўйнаш осон эмас.

- "Локомотив" жамоасининг энг етакчи икки футболчиси Санжар Турсунов ва Анзур Исмоиловлар қайдномадан жой олишмади. Санжар Турсунов бир неча кун аввал ижтимоий тармоқдаги саҳифасида доктор қабулида эканлигини намойиш қилганди. Икки тажрибали футболчи жароҳат олдими ёки эртароқ таътилга чиқишдими?

- Йўқ. Биз "Локомотив" номли санатория эмасмиз. Анзур Исмоилов жароҳат олди. Санжар Турсуновни ҳақида хабарингиз бор экан. У оёғидаги бармоқларидан бирини синдириб олди. Жамоа ўйини айнан қайсидир футболчиларга боғланиб қолиши керак эмас. Бу футбол. Жароҳатларсиз мавсум ўтказишнинг иложи йўқ.

- Суперлигадаги учинчи ўйинингизни ўтказдингиз. Жамоанинг ўйинида ўсиш сезмоқдасизми?

- "Нефтчи" жуда кучли рақиб деган бўлардим. Ўйинимизда ўсиш сезмоқдаман, аммо ҳимояда яхшироқ ҳаракат қилишимиз керак. Рақиб бугун етарлича вазиятларга эга бўлди. Барчаси устида ишламоқдамиз. Ёзғи танаффусдан янада кучлироқ бўлиб қайтишимиз керак.

- "Локомотив" жамоаси бугун тўлиқ иккинчи рақам бўлиб ўйнади. Бунга сабаб нима бўлди? Жамоа ўйин мазмунини қурбон қилиб, имкон қадар кўпроқ очко тўплаш режимига ўтиб олгандек.

- Фикрингизга қўшилмайман. Биз ўйин сифатини қурбон қилмаяпмиз. Бугун "Нефтчи" тўп эгалик қилди ва бизни майдон марказидан деярли ўтказмади. Бу бизга боғлиқ бўлмаган фактор эди. Биз ҳар бир учрашувда очко ишлашга ҳаракат қиламиз ва бу учун ўйин сифатидан кечиб юбормаймиз. Ўйин сифатини ёзги йиғинларда яхшилаб олишга ҳаракт қиламиз. Мен ҳеч қачон ҳимоявий футбол тарафдори бўлмаганман. Биринчи бўлимда хатоларимиз сабаб кўп ҳужумларга ўта олмадик. Иккинчи бўлимда эса анча ишончли ўйин намойиш этдик. Сафардаги учрашувларда рақибнинг ўйинига кўпроқ мослашишга тўғри келади. Бугун "Нефтчи"дан тўпни олиб қўйиш жуда қийин масала эди.

- Бугун ЖЧ-2026 саралаши учинчи босқичига қуръа ташланди. Сиз узоқ вақт фаолият олиб борган Қирғизистон терма жамоаси Ўзбекистон билан бир гуруҳдан жой олди. Ушбу гуруҳ ҳақида фикрларингизни билдириб ўтсангиз.

- Даража бўйича Ўзбекистон устунроқ. Бироқ икки қўшни жамоаларнинг ўйинида ҳар нарса содир бўлиши мумкин. Бишкек ва Тошкентдаги ўйинлар икки терма жамоа учун ҳам осон кечмаслиги аниқ.

Рейтинг: -2   

Комментарии

championat.asia
< посмотреть последние новости
Яндекс.Метрика