Александр Григорян: "Мен "Пахтакор"га маслаҳатчи мураббий бўлиб келдим"

"Мен "Пахтакор"га маслаҳатчи мураббий бўлиб келдим. Ҳозирда жамоада Нўъмон Ҳасанов бош мураббий вазифасини бажарувчи сифатида ишлаб турибди. Биз "Пахтакор" билан олти кундан буён тайёргарлик жараёнларини ўтказмоқдамиз. Тошкентда ҳаво иссиқлигига қарамай машғулотларимиз жуда яхши ўтмоқда. Бугунги ўйинда ҳаво иссиқлиги учун жамоа бироз толиқиб қолди. Бу нарса ўз сўзини айтди", - дея гап бошлади Александр Григорян.


- Сиз аёллар футболида ишлагансиз...
- Мен бу каби саволларга жавоб қайтармайман. Мени ҳозирги кунда аёллар футболи умуман қизиқтирмайди. Айни вақтда "Пахтакор" мураббийиман ва шу клуб ҳақидаги саволларга жавоб қайтаришга тайёрман.

- Сизни жамоага ким таклиф этди?
- Бу саволга ҳам жавоб беришни истамайман. Муҳими, мен ёшлигимдан ўзим учун бефарқ бўлмаган "Пахтакор" клубида иш бошладим. Бу жамоанинг мухлиси ҳисобланаман. Ёшлигимдан ўша машҳур "Пахтакор" ишқибози бўлганман.

- "Пахтакор" мухлиси бўлганман дедингиз. Сизни ушбу жамоада ўз суюкли футболчингиз бўлганми?
- Албатта бўлган. Бу шубҳасиз Михаил Ан.

- "Пахтакор" билан қанча муддатга шартнома имзоладингиз?
- Биз клуб билан мавсум сўнггига қадар шартнома имзоладик.


Шаҳбоз Беғамов суҳбатлашди.