Ал Жабер: "Ҳали иккинчи ўйин бор"

"Бугун икки жамоа яхши ҳаракат қилди. "Бунёдкор" ҳужумда фаол бўлди, биз эса қарши ҳужумдан фойдаландик. Бугунги ғалаба ҳеч нимани ҳал қилмайди. олдинда яна битта ўйин бор ва ҳаммаси Саудия Арабистонида бўлиб ўтадиган баҳсга боғлиқ", - дейди Сами Ал Жабер.

- Бугун жамоангизни ОФК қўллаётган "60 дақиқа ҳалол ўйин" қоидасига амал қилди деб ўйлайсизми?
- Ўйин оғир бўлди. Сабаби майдон анча қуруқ эди. бу эса катта жисмоний кучни талаб қилади. Мақсадимиз ўйин чўзиш бўлмади. Балки жароҳат ва ўзгаришларнинг кўплиги туфайли шундай кўринган бўлиши мумкин. Мен буни сезмадим. Ўйинни қайта кўриб чиқиб хулосага келишим мумкин.

- Ал Қаҳтони ва Шлҳуб каби футболчиларингизни ўйин сўнггида алмаштирдингиз. Уларни кейинги ўйинга асрадингизми?
- Қаҳтони кўп ҳаракат қилганлиги учун бироз чарчади. Шлҳубни эса тезкорроқ ўйинчига алмаштирдим.