"Ал Садд" етакчиси уч ойга сафдан чиқди

Эроннинг "Сепахон" клубига қарши баҳс олиб борган доҳаликлар 3:0 ҳисобида зафар қучишди. Лекин бу ўйинда "Ал Садд" учун нохуш воқеа рўй берди. Жамоа етакчиларидан бири Ҳассан Ал Ҳайдос жароҳат олиб ўйинни охиригача етказа олмади. 

Мазкур баҳсда иккита гол урган Ал Ҳайдоснинг жароҳат сабаб уч ойга сафдан чиққани маълум бўлди. Эндиликда "Ал Садд" навбатдаги учрашувларни 29 ёшли ҳужумчисисиз ўтказади. 

Шунингдек, Ҳассан Ал Ҳайдос март ойида бўлиб ўтадиган ЖЧ саралаш баҳсларида Қатар миллий терма жамоасига ёрдам бера олмайди.