«Ал Насср» АПЛнинг яна бир футболчисига 64 миллион евро таклиф қилди
31 янв 09:45
Новости

«Ал Насср» АПЛнинг яна бир футболчисига 64 миллион евро таклиф қилди

«Астон Вилла» ҳужумчиси Жон Дуран билан келишувга эришган «Ал Насср» АПЛнинг яна бир футболчисига таклиф билан чиқди.

Саудияликлар «Брайтон» ярим ҳимоячиси Каору Митомага 64 миллион евро таклиф қилди. Бироқ «Брайтон» жамоаси футболчи сотилмаслигини маълум қилди.

Аммо «Ал Насср» футболчи учун таклифни 100 миллион еврогача оширишга тайёрлигини маълум қилган.

Маълумот учун, 27 ёшли футболчи «Брайтон»да 2021 йилнинг ёзидан бери ҳаракат қилиб келади. У шу вақт ичида 92 та учрашувда майдонга тушган ва 18 та гол уришга эришган.