"Ал Наср" клубига тегишли расмий дўкон кунига қанча савдо қилади?
18 фев 2019 18:59
Новости

"Ал Наср" клубига тегишли расмий дўкон кунига қанча савдо қилади?

Теги : Ал Наср

"Пахтакор"нинг ОЧЛдаги эртанги рақиби "Ал Наср" жамоасининг уй ўйингоҳи саналган "Ал Мактум" стадиони олдида клубга тегишли расмий дўкон мавжуд.

Бу ерда жамоа мухлислари ўзларига керакли бўлган юқори сифатдаги футболка, шорти, спорт кийимлари, атрибутка ва аксесуарларни бемалол харид қилишлари мумкин.

"Ал Наср" жамоаси "Nike" фирмасига тегишли либосларни кийиши боис дўконда ҳам мазкур бренднинг клуб логоси туширилган сифатли кийимлари сотилмоқда. Барча атрибутка ва аксесуарларда махсус равишда "Ал Наср" логотипи туширилган.

Сотувчига юзланиб, кунига қанча савдо бўлиши билан қизиқдим. Сотувчи берган маълумотга кўра, кунига тахминан, ўртача 3500 дирҳам савдо бўлади. Бу дегани "Ал Наср" клубига тегишли мазкур расмий дўкон кунига 1000 долларга яқин савдо қилади. Ўйин кунлари эса сотувда тушадиган даромад камида яна икки баробарга кўпаяркан.

Жамоага Альваро Негредо келгач айнан испаниялик ҳужумчининг формаси сотуви анча фаоллашган. Жамоа мухлислари асосан Негредога тегишли 11-рақамли футболкаларни сотиб олишмоқда.

Шунингдек, ушбу дўконда егуликлар сотуви ҳам йўлга қўйилган.

Қуйида мазкур савдо дўконидан олинган суратларни томоша қилишингиз мумкин: