"Ал Файсали" мураббийи иштирокидаги матбуот анжумани эртага бўлади
29 янв 2018 20:30
Новости

"Ал Файсали" мураббийи иштирокидаги матбуот анжумани эртага бўлади

Аввал хабар берганимиздек, “Ал Файсали” клуби футболчилари ва расмий делегацияси, бугун кечки пайт Қаршига етиб келишди.

Аслида улар иштирокидаги матбуот анжумани бугун соат 17:00да бўлиши режалаштирилган эди. Меҳмонларнинг Қаршига кечикиб келганлари боис, улар иштирокидаги расмий тадбирлар бугун ўтказилмади.

“Ал Файсали” клуби вакиллари иштирокидаги ўйинолди матбуот анжумани эртага, яъни 30 январ куни соат 10:30да ўтказиладиган бўлди. Матбуот анжуманида жамоа мураббийи Небойся Йовович ва жамоанинг 13-рақамдаги ярим ҳимоячиси Халил Баниатиялар иштирок этишади. Халил Баниатияҳ жамоа сардори ҳамдир.

"Насаф" клуби томонидан аккредитациядан ўтган барча журналистларни, “Марказий” стадионида бўладиган матбуот анжуманига таклиф этамиз.