Акмал Холматов: “Шахсий ютуқлар иккинчи даражали. Муҳими жамоамнинг ютуғи”

Унда “Нефтчи” сардори Акмал Холматов ҳам ўрин эгаллаганди. Тажрибали футболчи 7 йиллик танаффусдан сўнг “Нефтчи”га қайтганидан кейин ва илк голини киритди.

- Очиғи, тур рамзий терма жамоага киритилганимни биринчи бор сиздан эшитиб турибман. Албатта бу ҳар қандай футболчига қўшимча куч бағишлайди. Лекин биласизми, мен учун бундай шахсий ютуқлар иккинчи даражали. Муҳими эса жамоамнинг ютуғидир. Чунки клубим муваффақият қозонса шунинг ўзи биз футболчилар учун катта ютуқ саналади.

- “Металлург”га қарши кечган баҳсда “Нефтчи”ни ғалаба қозониши учун бор кучим билан ўйнашга интилдим. Қай даражада ўйин кўрсатганимга келсак, яхшиси бунга мураббийлар жавоб бергани маъқул. Мен имкон қадар ҳар доим ўз ишимни пухта бажаришга ҳаракат қиламан. Шу куни “Нефтчи” ютди. Демак, футболчилар яхши ўйнаган. Келгуси ўйинларда ҳам ашаддий мухлисларимизни қувонтиришга ҳаракат қиламиз – дейди Акмал Холматов.


Исломбек Рустамбеков ёзиб олди.