Акмал Рустамов: "Омад биз томонда бўлди"
03 июл 23:36
Новости

Акмал Рустамов: "Омад биз томонда бўлди"

Суперлиганинг 15-тури доирасида "Шўртан" - "Қизилқум" баҳсидан кейин меҳмонлар бош мураббийи Акмал Рустамов матбуот анжуманида қатнашди.

- Гувоҳи бўлдингиз, жуда оғир ўйин бўлди. "Нефтчи" билан ўйиндан кейин футболчиларимизда толиқиш ҳолатлари бор эди. Шунга қарамай бугунги баҳс учун яхши тайёргарлик олиб бордик. Бугунги ўйинда омад биз томонда бўлди деб ўйлайман. Биринчи бўлимда кўп вазиятлар яратдик, бироқ булардан фойдалана олмадик. Гол урган бўлсак-да, биринчи бўлим охирида барибир дарвозамиздан тўп олиб чиқдик. Иккинчи бўлимда омад биз томонда эди, йигитларимга раҳмат айтаман, борларини беришди. Улардан бугун мамнунман.

- Биринчи давра якунланди. Давралар оралиғидаги ўзгаришлар, режалар қандай?

- Албатта, ўзгаришлар бўлади. Ўзгаришлар матбуотда эълон қилинади. Икки-уч футболчи олиб келиш ниятимиз бор. Янги қон бўлса, жамоада ўзгариш бўлади. Олдимизда бир ой бор, ишлаймиз. Иккинчи даврага тайёргарликни 12-13 июлдан бошлаймиз. Дастлабки 10 кун тайёргарлик Навоийда бўлса, қолган кунлари Тошкентда бўламиз деб режалаштиряпмиз. Навоийдан келиб, қўллаб-қувватлаган мухлисларга раҳмат айтаман. Уйларига яхши етиб олишсин ва доимо соғ-саломат бўлишсин. Ҳаммаларига раҳмат.

Ссылка :

Источник : championat.asia

Получайте новости прямо в Telegram!

Рейтинг: +5