Акмал Рустамов: “Обод”га қарши жиддий учрашув кутмоқда”

Ўйин олдидан "кончилар" сардори Акмал Рустамов фикрлари билан қизиқдик.

— Дастлабки учта тур мухлисларга кутилган ва кутилмаган натижаларни тақдим этгани билан ёдда қолди, — дейди Акмал Рустамов. — Мавсумни ғалабалар билан бошладик. Якунланган учрашувлар шуни кўрсатдики, чемпионатимизда кучсиз жамоа йўқ. Жумладан, дебютант бўлишига қарамай, “Обод” футболчилари ҳам ўзларининг чиройли ўйинлари билан кўпчиликнинг эътиборига тушмоқда. Уларга қарши бизни шиддатли ва муросасиз баҳс кутиб турибди. Ўйин осон бўлмайди.
Жамоадошларимнинг кайфияти аъло. Мақсад эса ягона — ғалабали серияни давом эттириш, албатта. Ўз мухлисларимизни хурсанд қилиш ҳамда Тошкентда муҳим уч очкони қўлга киритиш учун бор маҳоратимизни ишга соламиз, - дейди Рустамов.

“Қизилқум” ПФК Матбуот хизмати.