Акбар Тўраев: "Чемпион бўлганимиздан хурсандмиз"
29 окт 2016 11:35
Новости

Акбар Тўраев: "Чемпион бўлганимиздан хурсандмиз"

Ёшлар лигасининг 27-турида "Бунёдкор" жамоаси муддатдан аввал чемпионликка эришди.

Ҳикмат Эргашев бошчилигидаги ёш "қалдирғочлар" кетма-кет иккинчи йил лигада тенгсиз бўлишди. Биз бу мавсум "Бунёдкор" ёшлари сафида асосий посбон бўлган Акбар Тўраевнинг фикрлари билан қизиқдик.

"Бу мавсум биз учун ажойиб ўтди. Ёшлар лигасида барча ўйинлар жанговор руҳда ўтиб келмоқда. Чемпионликка эришишда аввало бош мураббий Ҳикмат ака Эргашевнинг хиссаси катта деб биламан. Сабаби кўплаб ёш футболчиларга Ҳикмат ака худди отадек бўлиб қолган. Чемпион бўлганимиздан хурсандмиз.

Аслида "Қизилқум" билан ўйндаёқ ғалаба қозониб чемпионликни нишонламоқчи эдик. Аммо ёшлар лигаси ҳам кутилмаган натижаларга бой.

"Бунёдкор" ёшлари сафида кўплаб қобилиятли футболчилар бор. Нуриддин Ҳасанов жамоа етакчиси сифатида ўзидан яхши таассурот қолдирди. Миржаҳон Мираҳмадов жамоа тўпурарига айланди. Ҳимоячи Георгий Погосов эса мавсумни яхши ўтказди.

Энг асосийси жамоа жуда аҳил, бунда бош мураббийнинг хиссаси катта", - дейди Акбар Тўраев.

Ссылка :

Источник : championat.asia

Получайте новости прямо в Telegram!

Рейтинг: +2