RU

Последние новости

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

«Ажойиб футбол атмосфераси бўлди, дуранг учун «Динамо» мухлисларидан узр сўрайман» – Абрамов дуранг ва Самарқандга футбол қайтгани ҳақида Новости

«Ажойиб футбол атмосфераси бўлди, дуранг учун «Динамо» мухлисларидан узр сўрайман» – Абрамов дуранг ва Самарқандга футбол қайтгани ҳақида

Суперлига 12-тури доирасидаги «Динамо» - «Андижон» учрашувидан кейин Вадим Абрамов стадионни тўлдирган минглаб мухлисларга миннатдорчилик билдириб, дуранг учун узр сўради.

- Афсуски ғалаба қозона олмадик, Самарқандда ажойиб футбол атмосферасини яратган мухлислардан узр сўрашни истардим, байрамга яраша натижа бўлмади. Ютиш керак эди, аммо биринчи бўлимда яратилган вазиятлардан фойдалана олмадик. Айниқса, қарши ҳужумларда хавфли эдик, аммо иккинчи голни ура олмадик. Иккинчи бўлимда эса Ягр яккама-якка вазиятдан фойдаланишда омад ундан юз ўгирди. Сен урмасанг рақиб уради, дейишади. Шундай бўлди. Адашмасам, ягона зарбаси голга айланди. Шунақаси бўлиб туради. 

Бугунги ўйинда стадион тўлди, очилиш маросими эди, қолаверса Самарқанднинг бир қатор таниқли тадбиркорлари шу ерда эканини кўрдик. Бу жамоага қўшимча босим юкламадими?

- Очилиш баҳси ўйинчиларга бироз босим юклаши табиий, чунки одатдаги ўйинимизни тўлиқ ўйин давомида кўрсата олмадик. Шунга қарамай, биринчи бўлимда вазиятлар ярата олдик, аммо иккинчи бўлимда ўз ўйинимизни кўрсата олмадик. Самарқандлик мухлислар бугунги футбол байрамида ғалабага ҳақли эдилар. Стадион сўнгги дақиқагача қўллаб-қувватлади, ўйиндан кейин олқишлади, демак ўйинимиз уларга қай даражада бўлса ҳам ёққан бўлса керак. Кейинги ўйинларга уларни хурсанд қилишга интиламиз.

Иккинчи даврада жамоа таркибини кучайтириш режаларингиз борми?

- Албатта, бундай режалар бор. Янги ўйинчилар билан таркибни кучайтиришга умид қиламиз. Бунга номзодлар ҳам бор. 

Шоҳрухбек Абдураҳмоновни «Динамо»га қайтариш режангиз борми?

- Йўқ, биз бошқа клубга тегишли ўйинчилар ҳақида гапира олмаймиз. Унинг «Сўғдиёна» билан шартномаси бор.

Ҳисобда олдинда бораётганда ғалабани сақлаб қолиш учун ҳимоявий ўйнаш режангиз бормиди?

- Бундай режа бўлганида ҳам тушуниш керак – бу ғалаба келтиришига кафолат йўқ. Айниқса, бўйдор ўйинчиларга эга, стандартларда яхши ўйнайдиган «Андижон»дек рақибга қарши. Яримҳимояда ўйинни назорат қила олмадик, йигитлар таваккал қилишга журъат қила олишмади. Шу боис ўзгаришлар қилдик. Таваккал қилишдан қўрқмаслик керак. Мен одатда футбол ўйнашдан қўрқадиган ўйинчиларга эътироз билдираман. Хато ҳаммада бўлади, аммо футбол ўйнашдан қўрқмаслик керак. 

«Сўғдиёна»га қарши кейинги ўйин? Мухлисларни хурсанд қилиш учун ҳаракат қиламиз.

Рейтинг: +6   

Комментарии

championat.asia
< посмотреть последние новости
Яндекс.Метрика