Аҳмад Убайдуллаев "Андижон"да иш бошлади
30 мар 2018 12:58
Новости

Аҳмад Убайдуллаев "Андижон"да иш бошлади

«Андижон» клубининг таркибида эътиборга молик ўзгаришлар бўлгани каби мураббийлар штабида ҳам янгиланишлар содир бўлганидан хабарингиз бор.

Жамоа бош мураббийи Элдор Сакаев ўзига маъқул мутахассисларни ўз штабига чорлади. Ана шундай мутахассислардан бири Аҳмад Убайдуллаевдир.

Юртимиз футболида ўз мавқеига эга бўлган Аҳмад Иноятович тажрибали мураббийлардан бири ҳисобланади. Ўз вақтида Убайдуллаев Ўзбекистон ёшлар терма жамоаси билан халқаро майдонларда иштирок этиб муваффақиятларга эришган. Унинг охирги иш жойи Бекободнинг «Металлург» жамоаси эди. Энди эса Сакаев ва Убайдуллаев тандеми «Андижон»да ўз фаолиятини бошлади.

Дарвоқе, Элдор Сакаевга шунингдек, ёрдамчи мураббий Диёр Мирзабоев ва дарвозабонлар мураббийи Қобил Олимжонов яқиндан ёрдамлашмоқда.